தமிழகத்தின் வீரபரம்பரை இனமான அகமுடையார் குலத்தைச் சேர்ந்தவர் உடையார் சேர்வை என்ற மொக்க பழனியப்பன் சேர்வை. இவர் நரிக்குடி அருகில் உள்ள முக்குளம் என்ற ஊரில் பிறந்தவர். இவரது மனைவி சிவகங்கை அருகிலுள்ள புதுப்பட்டி என்ற கிராமத்தில் பொன்னாத்தாள் என்பவராவர். இவர்கள் இருவருக்கும் பிறந்தவர்களே மாமன்னர் மருதுபாண்டியர்கள் ஆவார்கள்

பெரிய மருது 1738-ம் ஆண்டும், ஐந்து வருடம் கழித்து சின்னமருது 1743-ம் ஆண்டும், பிறந்தார்கள். இரண்டு சகோதர்களும் ராமன், லக்குவன் போன்று வீரத்திலும் விவேகத்திலும் சீரும் சிறப்பும் பெற்று விளங்கியதால் இவர்களது வீரத்தை பாராட்டி புகழ்ந்து "பாண்டியர்கள்" என்றபட்டத்தை முகவைமன்னர் வழங்கினார்கள்.